Tambwe, Kiongera hapatoshi Simba

TAMBWE 

Kiongera ametua Simba akitokea KCB ya Kenya na sasa atakuwa pacha wa Tambwe ambaye ni mfungaji bora wa Ligi Kuu Bara msimu uliopita kwenye safu ya ushambuliaji ya kikosi hicho.

MRUNDI Amissi Tambwe amemkaribisha straika mpya wa Simba, Paul Kiongera, ili wapigie mabao huku Mkenya wa Azam FC, Ibrahim Shikanda akikiri jamaa yupo vizuri sana.

Kiongera ametua Simba akitokea KCB ya Kenya na sasa atakuwa pacha wa Tambwe ambaye ni mfungaji bora wa Ligi Kuu Bara msimu uliopita kwenye safu ya ushambuliaji ya kikosi hicho.

Tambwe aliliambia Mwanaspoti akisema: “Nimesikia ujio wake na ninachosema, namkaribisha kwa mikono miwili aje tuifanyie mambo Simba.

“Simjui lakini tutakapokutana naamini mambo yatakuwa sawa, kikubwa tushirikiane. Pia ninamuasa ajitambue, awe mvumilivu na ajitume, mtaji wa masikini ni nguvu zake mwenyewe.”

Kwa upande wa Shikanda ambaye ni kocha msaidizi wa Azam FC, alisema: “Simba wamelamba dume aisee, kwani Kiongera ni straika mzuri wa aina yake, ana uwezo wa juu kwenye kufunga na staili yake ya uchezaji hakai na mpira akipata anatoa na yuko fasta.

“Ni mzuri anapocheza straika wa pili namba 10, huwa anacheza kiungo mshambuliaji pia na akicheza pamoja na Tambwe, wataisaidia sana klabu yao.”

Kiongera aliwahi pia kuichezea Gor Mahia na alitarajiwa kusaini Simba jana Jumatatu jioni.

BOFYA HAPA