UCHAGUZI CHAMA CHA WANANCHI CUF WILAYA YA ARUSHA WAHIRISHWA MARA TATU

Mahmoud Ahmad  Arusha

Kutorudishwa kwa majina ya wagombea wa nafasi mbalimbali za chama wananchi(CUF) wilayani Arusha kwa sababisha uchaguzi kuahirishwa mara tatu huku mkutano mmoja ukishindwa kufikia Akidi kutokana na ibara ya

104 na 13 ya chama hicho.

Akizungumza na mwanahabari msimamizi wa uchaguzi wa chama cha wananchi (CUF)Mohammed Mtutuma alisema kuwa kutokana na ibara hiyo alilazimika kuahirisha uchaguzi kama ibara hiyo inavysema kuwa kama haikufikia nusu ya wajumbe basi uchaguzi hautafanyika.

Mtutuma akatanabaisha kuwa kwa wilaya ya Arusha wajumbe waliohitajika kupiga kura ni 180 na hadi  wanaahirisha  mkutano walikuwa wajumbe 53 hivyo kutokana na akidi hiyo kama msimamizi aliahirisha uchaguzi huo kwani wajumbe waliotakiwa walikuwa ni 91.

“Ni kweli ndugu mwanahabari uchaguzi tumeahirisha kutokana na Akidi kutotimia kwa kutofikia nusu ya koramu ya wajumbe walitakiwa kupiga kura katika uchaguzi wa ngazi mbalimbali ndani ya chama wilayani Arusha na utafanyika leo(jana) saa kumi jioni “alisema Mtutuma.

Kwa upande wake Mkurugenzi wa mipago na uchaguzi wilayani hapa Omary Salusingo alisema kuwa uchaguzi huo uliahirishwa kutokana na sababu mbalimbali ikiwemo kutofikishwa kwa barua ya kutambulisha wagombea kutoka makao makuu kwa ni siku ya kwanza tar.1 jun msimamizi aliwasomea majina badala ya barua kutoka makao makuu.

Salusingo alisema kuwa kutokana na hali hiyo ilibidi wakae kama kamati tendaji na kuamuliwa uchaguzi kufanyika siku ya jumamosi tarehe 7 ambapo uchaguzi huo uliahirishwa tena kutoka nakoramu ya wajumbe kutotimia na uchaguzi kuamuliwa kufanyika siku nyingine itakayopangwa na uongozi wa wilaya.

Akilizungumzia hilo katibu anayemaliza muda wake Zani Zakaria alisema kuwa  suala hilo la kuahirishwa kwa uchaguzi limesababishwa na makao makuu ya chama kwa kutofuata kanuni za uchaguzi kwa kutoleta barua inayotambulisha wagombea wa nafasi mbalimbali wanaotakiwa kugombea katika uchaguzi wetu.

Alisema kuwa kutoka na hilo ndio kamati tendaji ikaamua kwenda kwenye uchaguzi kwa shingo upande na majina waliosomewa na msimamizi wa uchaguzi alietambuliwa kwa jina moja la Bobali hivyo kuonekana uchaguzi unaendeshwa kinyume na kanuni za uchaguzi  huku msimamizi huyo akitusomea majina mawili kwa kila nafasi.

Kwa upande wake mwenyekiti wa CUF wilayani hapa Hamza Kidula alisema kuwa yeye hana la kusema kwani kwa sasa ni mgombea hivyo aulizwe mkurugenzi wa uchaguzi Omary Salusingo huku mkurugenzi wa mipango na uchaguzi taifa Shaweji Mketo alisema kuwa kanuni ya uchaguzi ibara ya 13 ya CUF ndio ilifuatwa.

Aidha Mketo alisema kuwa utaratibu wa baraza kuu laCUF unatakiwa kupeleka kwenye mkutano mkuu wa uchaguzi majina matatu kwa kila nafasi huku akimlaumu mwanahabari hii kwa kumuhukumu baada ya kmuuliza Swali kutaka kufahamu juu ya uchaguzi huo ulioahirishwa mara tatu