MWANAMKE MIAKA 70 AUAWA NA WATU WASIOFAHAMIKA

 TAARIFA YA JESHI LA POLISI MKOA WA MBEYA KWA VYOMBO VYA HABARI

“PRESS RELEASE”TAREHE 06.05.2014.

• MWANAMKE WA MIAKA 70 AUAWA NAWATU WASIOFAHAMIKA NA KISHA MWILI WAKE KUTUPWA SHAMBANI.

• MZEE WA MIAKA 70 AFARIKI DUNIA BAADA YA KUGONGWA NA GARI WILAYANI RUNG

• JESHI LA POLISI MKOA WA MBEYA LINAWASHIKILIA WATU WAWILI KWA TUHUMA MBALIMBALI.

KATIKA TUKIO LA KWANZA:

MWANAMKE MMOJA ALIYEFAHAMIKA KWA JINA LA MESIA SHOTI (71) MKAZI WA KIJIJI CHA SISITILA ALIKUTWA AMEBAKWA KISHA KUUAWA KWA KUPIGWA NA VITU  BUTU   SEHEMU ZA KICHWANI NA  MTU/WATU WASIOFAHAMIKA  NA KISHA MWILI WAKE  KUTUPWA SHAMBANI.

TUKIO HILO LIMETOKEA MNAMO TAREHE 05.05.2014 MAJIRA YA SAA 06:00 ASUBUHI HUKO KATIKA KIJIJI CHA SISITILA, KATA YA SISITILA, TARAFA YA IYUNGA, JIJI NA MKOA WA MBEYA. MWILI WA MAREHEMU ULIKUTWA NA JERAHA SEHEMU ZA KICHWANI. CHANZO CHA TUKIO HILO BADO KINACHUNGUZWA. MWILI WA MAREHEMU UMEHIFADHIWA HOSPITALI YA RUFAA YA  MBEYA.UCHUNGUZI ZAIDI WA TUKIO HILI BADO UNAENDELEA.

KAMANDA WA POLISI MKOA WA MBEYA KAMISHINA MSAIDIZI MWANDAMIZI WA POLISI AHMED Z. MSANGI ANATOA WITO KWA YEYOTE MWENYE TAARIFA ZA MTU/WATU WALIOHUSIKA NA TUKIO HILI AZITOE KATIKA MAMLAKA HUSIKA ILI AKAMATWE NA HATUA ZA KISHERIA ZICHUKULIWE DHIDI YAKE.

KATIKA TUKIO LA PILI:

MZEE WA MIAKA 70 ALIYEFAHAMIKA KWA JINA LA MKISU LEMBUKA MKAZI WA KAYUKI AMEFARIKI DUNIA WAKATI ANAPATIWA MATIBABU HOSPITALI YA SERIKALI MAKANDANA –TUKUYU WILAYA YA  RUNGWE BAADA YA  KUGONGWA NA  GARI  LISILOFAHAMIKA.

AWALI MNAMO TAREHE 04.05.2014 MAJIRA YA SAA 16:00 JIONI HUKO KATIKA KIJIJI CHA KAYUKI, KATA NA TARAFA YA TUKUYU GARI NA DEREVA ASIYEFAHAMIKA LILIMGONGA MZEE HUYO NA KUMSABABISHIA MAJERAHA. CHANZO CHA AJALI NI MWENDO KASI. DEREVA AMBAYE PIA HAKUFAHAMIKA ALIKIMBIA NA GARI   MARA BAADA YA TUKIO.

KAMANDA WA POLISI MKOA WA MBEYA KAMISHINA MSAIDIZI MWANDAMIZI WA POLISI AHMED Z. MSANGI ANATOA WITO KWA MADEREVA KUWA MAKINI WANAPOTUMIA VYOMBO VYA MOTO HASA KWA KUZINGATIA SHERIA NA ALAMA ZA USALAMA BARABARANI ILI KUEPUKA AJALI ZINAZOWEZA KUEPUKIKA. AIDHA ANATOA WITO KWA WATEMBEA KWA MIGUU KUTEMBEA PEMBENI MWA BARABARA NA KUVUKA SEHEMU ZENYE VIVUKO ILI KUEPUKA AJALI .AIDHA ANATOA WITO KWA YEYOTE MWENYE TAARIFA ZA MAHALI ALIPO MTUHUMIWA [DEREVA] WA TUKIO HILI AZITOE KATIKA MAMLAKA HUSIKA ILI AKAMATWE NA HATUA ZA KISHERIA ZICHUKULIWE DHIDI YAKE.

KATIKA MISAKO:

JESHI LA POLISI MKOA WA MBEYA LINAMSHIKILIA MTU MMOJA ALIYEFAHAMIKA KWA JINA LA NEFA LETSON (30) MFANYABIASHARA, MKAZI WA LUPA-DARAJANI AKIWA NA POMBE KALI [VIROBA] ZILIZOPIGWA MARUFUKU NA SERIKALI AINA YA RIDDER KATONI 12 NA BOSS KATONI 01.

MTUHUMIWA ALIKAMATWA KATIKA MSAKO ULIOFANYIKA MNAMO TAREHE 05.05.2014 MAJIRA YA SAA 15:30 ALASIRI HUKO KATIKA KITONGOJI CHA LUPA –DARAJANI, KIJIJI CHA KIBAONI, KATA YA CHOKAA, TARAFA YA KIWANJA,   WILAYA YA CHUNYA, MKOA WA MBEYA. MTUHUMIWA NI MUUZAJI WA POMBEHIZO. TARATIBU ZA KUMFIKISHA MAHAKAMANI MTUHUMIWA ZINAFANYIKA.

KAMANDA WA POLISI MKOA WA MBEYA KAMISHINA MSAIDIZI MWANDAMIZI WA POLISI AHMED Z. MSANGI ANATOA WITO KWA WAFANYABIASHARA KUACHA KUUZA/KUSAMBAZA BIDHAA ZILIZOPIGWA MARUFUKU NA SERIKALI KWANI NI KINYUME CHA SHERIA NA NI HATARI KWA AFYA YA MTUMIAJI.

KATIKA MSAKO WA PILI, JESHI LA POLISI MKOA WA MBEYA LINAMSHIKILIA MTU MMOJA RAIA NA MKAZI WA NCHINI ETHIOPIA AKIWA AMEINGIA NCHINI BILA KIBALI.

MHAMIAJI HARAMU ALIKAMATWA KATIKA MSAKO ULIOFANYIKA KATIKA ENEO LA ITEZI, KATA YA ITEZI, TARAFA YA  IYUNGA JIJI NA MKOA WA MBEYA. TARATIBU ZA KUMKABIDHI IDARA YA UHAMIAJI ZINAFANYIKA.

KAMANDA WA POLISI MKOA WA MBEYA KAMISHINA MSAIDIZI MWANDAMIZI WA POLISI AHMED Z. MSANGI ANATOA WITO KWA WANANCHI KUENDELEA KUTOA TAARIFA ZA MTU/WATU WANAOWATILIA MASHAKA KATIKA MAENEO YAO ILI WAKAMATWE NA UCHUNGUZI DHIDI YAO UFANYIKE. 

Imesainiwa na:

[AHMED Z. MSANGI – SACP]

KAMANDA WA POLISI MKOA WA MBEYA.