RATIBA LIGI KUU ENGLAND YAANIKWA HADHARANI, VAN GAAL AKWEPA VIGINGI, MAN CITY YAANZA NA VISIKI

Tutacheza na nani? Kocha wa Uholanzi,  Louis van Gaal ataanza kazi Manchester United baada ya kumalizika kwa fainali za kombe la dunia. 

 Imechapishwa Juni 18, 2014, saa 10:08 jioni

LOUIS van Gaal amepewa mwanzo wa maisha mapya katika klabu ya Manchester United baada ya ratiba ya msimu mpya wa ligi kuu soka nchini England kuwekwa hadharani.
 Hata hivyo Van Gaal amepewa mwanzo rahisi tofauti na kocha aliyemrithi, David Moyes aliyepewa mwanzo mgumu alipobeba mikoba ya Sir Alex Ferguson. 
Kocha huyo anayeifundisha Uholanzi, baada ya fainali za kombe la dunia atajiunga Old Trafford na katika ratiba iliyotoka amepangwa kukutana na timu ya Swansea agosti 16 mwaka huu.

Mabingwa tena! Nahodha wa Manchester City,  Vincent Kompany akibeba kombe la ligi kuu mwezi mei mwaka huu.

Muda wa pati!: Joe Hart na wachezaji wenzake wa kikosi cha  Manuel Pellegrini watakuwa na kibarua cha kutetea ubingwa wao. 

MECHI ZA UFUNGUZI

Arsenal v Crystal Palace
Burnley v Chelsea
Leicester City v Everton
Liverpool v Southampton
Manchester United v Swansea City
Newcastle United v Manchester City
Queens Park Rangers v Hull City
Stoke City v Aston Villa
West Bromwich Albion v Sunderland
West Ham United v Tottenham Hotspur
Mechi hizi zitachezwa Agosti 16/17

Baada ya mechi ya ufunguzi ya Man United zitafuatia mechi mbili za ugenini dhidi ya Sunderland na Burnley kabla ya kurudi nyumbani kukabiliana na Queens Park Rangers septemba 13.
Kiukweli, United hawatakutana na wapinzani wao wa ubingwa mpaka mwishoni mwa mwezi Agosti watakapoikaribisha Chelsea ya Jose Mourinho.
Hii itakuwa nafasi nzuri kwa Van Gaal kuutumia vyema uwanja wa mazoezi wa Carrington wakati huu klabu ikihitaji kufuta majanga ya David Moyes msimu uliopita.
Kwa upande wa mabingwa, Manchester City watakabiliana na upinzani mkubwa baada ya kupanga kukutana na  Liverpool, Arsenal  na Chelsea katika mechi za ufunguzi.Kikosi cha Manuel Pellegrini kitawakaribisha wekundu wa Anfield agosti 23 kabla ya kuwakaribisha Chelsea uwanja wa Etihad septemba 20.

MECHI ZA UNITED

Mar 14: Spurs (H)
Mar 21: L'pool (A)
Apr 4: Villa (H)
Apr 11: City (H)
Apr 18: Chelsea (A)
Apr 25: Everton (A)