Kaka awapa za uso Christiano Ronaldo na Messi.

Kiungo mshambuliaji wa zamani wa Real Madrid Ricardo Kaka amesema kuwa katika kipindi chake alikuwa ni bora zaidi ukilinganisha na Christiano Ronaldo pamoja na Lionel Messi kwa sasa.

Mbrazil huyo aliwafunika wote kwa pamoja Messi na Ronaldo katika tuzo ya FIFA ya mchezaji bora wa dunia mwaka 2007 huku akionesha kiwango cha juu kabisa akiwa na timu yake ya AC Milan na kusisitiza kuwa anajivunia kwa kiasi kikubwa kuwafunika wakali hao katika tuzo hiyo.

"Nilishinda tuzo ya mchezaji bora wa dunia(Ballon d'Or) na kuwashinda Messi na Ronaldo," Kaka aliliambia Daily Mail.

"Siku hizi wanajishindia tu kila mwaka, lakini ingekuwa ni kama kipindi wote wawili nigewashinda, kwangu ni muhimu sana kwa sababu nilikuwa na washindani walio bora kabisa, najivunia kiasi kikubwa sana kwa hili."