REAL MADRID YAJIPANGA KUMNG’OA DE GEA MANCHESTER UNITED

REAL Madrid inajiandaa kuifanyia ‘fujo’ Manchester United kwa kuandaa mipango ya kumnasa kipa David de Gea.Kumekuwa na msukumo mkubwa wa De Gea mwenye umri wa miaka 23 kumrithi kipa Iker Casillas kwenye timu ya taifa ya Hispania.Real Madrid nao pia wanadaiwa kuwa na mipango ya kufuata nyayo za mageuzi yanayofanyika kwenye lango la timu ya taifa kwa kuangalia uwezekano wa kumyakua De Gea.

Hata hivyo United  nayo iko mbioni kuendelea na maongezi ya mkataba mpya na kipa huyo aliyechaguliwa kuwa mchezaji bora wa mwaka Old Trafford msimu uliopita.

De Gea aliyesajiliwa kwa pauni milioni 17.8 juni 2011 ana mkataba utakaomalizika mwaka 2016.

United tayari ilishaanza gumzo la mkataba mpya na De Gea, lakini ikasitisha kwa muda ili kupata wasaa wa kufanya kwa makini usajili wa dirisha la kiangazi.

Real Madrid inamuona kipa huyo wa zamani wa Atletico kama suluhisho pekee la kuziba nafasi ya Casillas kama alivyofanya kwenye mechi ya Hispania ya ushindi wa 4-0 dhidi ya Luxembourg.