WAZAZI KATAVI WAHIMIZWA KUKOMALIA UJENZI WA SHULE

Mwenyekiti wa Halamshauri ya Mji wa Mpanda, Enock Gwambasa akizungumza na wazazi ( hawapo pichani) wa Kata  ya Mpanda hoteli katika kikao cha kujadili maendelo ya elimu na ujenzi wa Shule hiyo.

Wazazi wa wanafunzi wanaosoma shule ya sekondari kashaulili wakimsikiliza Diwani wao ambaye ni mwenyekiti wa Halmashauri ya Mji katika kikao cha kujadili maendelo ya ujenzi wa shule.

(Picha  zote na Kibada Kibada )

Na Kibada Kibada-Mpanda Katavi.

Wazazi  katika Halmshauri ya Mji wa Mpanda Mkoani Katavi wamehimizwa kuwa mstari wa mbele katika kujitolea kuchangia ujenzi wa shule ili wanafunzi na walimu wao wapate mahali bora pa kusomea na kufundishia.

Rai hiyo imetolewa na  Mwenyekiti wa Halamshauri ya Mji wa Mpanda Enock Gwambasa  ambaye ni Diwani wa Kata ya Mpandahoteli wakati akiongea katika kikao cha wazi cha kujadili maendeleo ya ujenzi wa shule hiyo na wazazi wa watoto wanaosoma katika shule ya sekondari Kashaulili iliyoko kata ya Mpandahoteli .

Pia kikao hicho kilijadili kuongeza nguvu katika ujenzi wa  vyumba vya madarasa, maabara,nyumba za walimu na uzio wa shule ili shule iweze kuwa  katika mazingira mazuri ya ulinzi.

Ameeleza kuwa shule ni mali ya wazazi hivyo ni wajibu wa wazazi kuhakikisha wanajenga shule na kuilinda na kuitunza.

Akifafanua zaidi Gwambasa alieleza kuwa yeye kama mlezi wa kata anasimamia shughuli zote za maendeleo ya Kata ikiwemo sekta ya elimu .

Pia ni wajibu wake kusimamia shughuli nyingine za maendeleo katika halmashauri ya mji wote kwa kuwa yeye ndiye mwenye dhamana hiyo na amekutana na wazazi wa Mpanda Hoteli ili kupanga mipango ya maendeleo ya shule hususani kuboresha elimu katika Kata na Halamsahauri kwa ujumla.

Kuhusu taalamu amewahimiza walimu na wanafunzi kuchapa kazi kwa bidii ili kuongeza ufaulu kwa wanafunzi kwa kuwa shule hiyo imekuwa na historia mbaya ya kutokufanya viziru katika mitihani wa kidato cha nne .

 Awali Mkuu wa Shule ya Sekondari kashaulili, G Nyaronga alieleza kuwa Shule yake inakabiliwa na upungufu mkubwa wa vyumba vya madarasa na jengo la utawala hali inayowafanya walimu kutumia darasa kama jengo la utawala na hivyo kuongeza upungufu zaidi wa madarasa katika shule hiyo.

Mkuu huyo wa shule  alieleza kuwa madarasa yaliyopo ni 14 tu kwa ajili ya wanafunzi 654 na vyumba hivyo havitoshi,  hivyo ipo haja ya kuona wazazi wanafanya  jitihada kujenga vyumba vingine zaidi.

Mbali ya ujenzi wa madarasa pia wanahitaji kujenga vyumba viwili vya maabara,ukamilishaji wa majengo yaliyoanza kujengwa ,hivyo upatikanaji wa matofali ni muhimu sana ili kuhakikisha kazi hiyo inakamilika kwa wakati na hilo ni kazi ya wazazi kwa kushirikiana na uongozi wa shule na serikali kwa ujumla.