SIMBA WASIOFUGIKA WAPAKATWA NA CROATIA...EKOTTO AZUA TIMBWILI NA MWENZAKE, AMPA CHA MOTO..

HASIRA za Benoit Assou-Ekotto ziliishia kwa mchezaji mwenzake  Benjamin Moukandjo baada ya kuamua kumpiga kichwa  katika dakika za mwisho za mechi hiyo.

Cameroon waliloweshwa 4-0 na Croatia katika dakika za majeruhi na beki wa kushoto wa Tottenham ambaye alikuwa anacheza kwa kwa mkopo QPR msimu uliopita aliamua kumshambulia mchezaji mwenzake.

Assou-Ekotto alishikwa na hasira baada ya kipyenga cha mwisho kupulizwa mjini Manaus na Samuel Eto`o alilazimika kumtuliza ili arejee katika hali yake ya kawaida.

Ugomvi!: Benoit Assou-Ekotto alizinguana na Benjamin Moukandjo mjini Manaus

Acha zako! Beki wa kushoto wa Tottenham  alimpiga kichwa mchezaji mwenzake katika dakika za majeruhi

Hasira: Wachezaji wa Cameroon walichanganyikiwa baada ya kipigo cha mabao 4-0 dhidi ya Croatia mjini Manaus

Ekotto unazingua jombaa!:  Moukandjo akimuwakia  Assou-Ekotto baada ya kumpiga kichwa dakika za mwisho.

Tulia mwanangu, wewe ni proo!: Mshambuliaji wa Cameroon , Samuel Eto'o akimtuliza Assou-Ekotto  baada ya kipyenga cha mwisho.

Neno la busara: Eto'o akijaribu kumshauri beki huyo aliyeshikwa na hasira.

Kipigo cha jana kilikuwa cha pili kwa Cameroon  nchini Brazil kwani walipoteza mechi ya ufunguzi dhidi ya Mexico baada ya kufungwa bao 1-0 na sasa watarudi nyumbani mara watakapocheza mechi ya kukamilisha ratiba ya kundi A dhidi ya wenyeji Brazil mjini Brasilia jumatatu ijayo.