AT: Fraga atakuja kuwafunika waandaaji wa muziki

Mwnamuziki wa mduara, Ally Ramadhani ‘AT’

Mtayarishaji wa muziki nchini Tanzania Frank MjaCK ‘Fraga’ wa Uprise Music

Staa wa muziki wa mduara nchini Tanzania, Ally Ramadhani’AT’, amekiri uwezo mkubwa alionao muandaaaji wa muziki nchini Frank Mjack ‘Fraga’, na kuwataka waandaaji wa muziki kuwa makini na kijana huyo kutokana na kuja kwa kazi katika uandaaji wa kazi zake.
Akihojiwa na Hivisasa blog, amesema kuwa Fraga, ana uwezo wa kipekee endepo ataendelea kujituma na kujifunza vitu vipya kila siku kutokana na umakini wake katika kazi na uwezo wa kufikiria mbali kwa muda mchache.
“Mimi nimefanya kazi na waandaaji wa muziki wengi lakini hakuna kazi ambayo niliikubali haraka kabla ya kufanya marekebisho lakini kwa Fraga, mambo yamekuwa tofauti ni mtu ambaye alikuwa ananipa mawazo mbalimbali katika kuandaa wimbo wangu mpya jambo lililopelekea kuwa ndio chaguo langu  katika kazi zangu zote” alisema AT.
Ameongeza kuwa kuanzia sasa muandaaji wa kazi zake atakuwa ni muandaaji huyo kutokana na kuwa na utundu mwingi katika kazi kutokana na uwezo wake aliouonesha katika byimbo za wasanii wengine na wimbo wake mpya wa ‘Sijazoea’.
Fraga, ni muandaaji wa muziki na pia ni muimbaji wa muziki wa Bongo fleva, ambaye alitamba kwenye wimbo wa ‘Kupatia’ na wimbo wake unaotamba sasa wa ‘Dunia Nzima’  katika studio ya Uprise Music.