MANNY PACQUIAO AANZA KUCHEZA LIGI YA KIKAPU YA UFILIPINO

Bondia Manny Pacquiao aliionesha dunia kitu kingine anachoweza nje ya ulingo pale alipovua gloves na kucheza mpira wa kikapu jumapili iliyopita , ikiwa ni mwezi mmoja kabla hajapanda ulingoni kutetea mkanda wa WBO.

Pacquiao aliichezea KIA Sorento inayoshiriki lig ya kikapu nchini Philippine.

Nyota huyo mwenye umri wa miaka 35 alicheza kwa dakika saba, na kuisaidia timu yake kushinda kwa point 80 dhidi ya 66 dhidi ya Blackwater Elite kwenye cot ya Philippine Arena.

Pacquiao, amejiunga kwenye timu hiyo kama kocha mchezaji, amecheza michezo ya kujiandaa na msimu mapema mwezi huu, alifanikiwa kufunga point moja.

Pamoja na kuwa na urefu wa futi 5 point 6, urefu ambao haufai kwenye mchezo wa kikapu  Pacquiao ni shabiki mkubwa wa mchezo wa mpira wa kikapu.

Pacquiao atachukua mapumziko kwenye timu yake ya KIA ili kujiwinda na pambano la uzito wa WBO litakalofanyika November 22 huko Macau dhidi ya bingwa wa welterweight Chris Algieri.