EPL News: Kinda la Bayer Leverkusen Emre Can akaribia kutua Liverpool

Liverpool wapo kwenye mazungumzo makali sana na klabu ya Bayer Leverkusen juu ya kumsajili kiungo wa timu ya taifa ya Ujerumani chini ya miaka 21 Emre Can.

Inaelezwa kwamba kinda huyo, 20 ana thamani ya paundi 10m na Liverpool wamedai wanaweza kufikia fedha hiyo.

Lakini mazungumzo yanaendelea vizuri sasa na pande zote mbili zina mategemeo ya kufanikiwa na kufikia hitimisho la maana wiki ijayo.

Can, ambaye ana nasaba na Uturuki, alijiunga Leverkusen akitokea Bayern Munich msimu uliopita kwa dau la paundi 4m.

Alimvutia meneja wa Liverpool Brendan Rodgers kwa kufanya vizuri na kuisaidia Leverkusen kumaliza nafasi ya nne kwenye msimamo wa Bundesliga na kutinga mashindano ya Champions League msimu ujao.

Mzaliwa huyo wa Frankfurt hupendelea kucheza nafasi ya kiungo wa katikati lakini pia huweza kucheza kama mlinzi.