DIEGO COSTA AZOMEWA NA MASHABIKI WA BRAZIL AKIICHEZEA HISPANIA DHIDI YA UHOLANZI

Alizomewa : Mshambuliaji,  Diego Costa alizomewa na Wabrazil wakati Hispania ilipopambana na Uholanzi.

DIEGO Costa amezomewa na mashabiki wa Brazil katika mchezo wake wa kwanza katika ardhi ya nchini mwake tangu alipochagua kuwachezea wapinzani wa `Samba Boys` , Hispania, katika mbio za ubingwa wa fainali za kombe la dunia mwaka huu.

 Mshambuliaji huyo ambaye yuko mbioni kujiunga na Chelsea alianza katika kikosi cha kwanza cha Hispania dhidi ya Uholanzi kwenye mchezo wa ufunguzi wa kundi B, lakini alipokelewa na kelele za kuzomewa kwa kitendo chake cha kuikimbia nchi yake.

Alipogusa mpira katika dakika ya tano ya mchezo, nyota huyo aliyeifungua Atletico mabao 35 alizomewa akiwa amevaa jezi ya Spain kwa mara ya tatu.

Aliichezea Brazil katika mechi mbili, zote za kirafiki kabla ya yeye mwenyewe kuandika barua FIFA akiomba kuichezea Hispania ambapo ombi lake lilikubaliwa mwezi octoba mwaka jana.

Wakati wakijiandaa na mechi ambayo ilikuwa kama ya marudiano ya fainali ya mwaka 2010 dhidi ya Uholanzi, Costa alisema aliondoka Brazil kwa mapenzi yake mwenyewe na kujiunga na Hispania.

"Nimethibitisha Hispania ndio taifa langu na watu wa Hispania wapo nyuma yangu". Alisema. "Ukosoaji wa maamuzi yangu hauniathiri".

"Brazil ni washindani wa ubingwa, lakini wapo katika presha kubwa kutoka kwa mashabiki wao.Watu wanahitaji kuwaona fainali na hiyo inawapa ugumu zaidi".

Baada ya kuiona Brazil ikipata ushindi katika mchezo wa ufunguzi dhidi ya Croatia, Costa katika mchezo wa usiku huu amesababisha penati iliyofungwa na  Xabi Alonso na kuwapa Hispania bao la kuongoza.

Nyota huyo mwenye miaka 35 yuko mbioni kujiunga na Chelsea majira ya kiangazi mwaka huu kwa dau la paundi milioni 32, lakini sasa ana presha na taifa la Hispania linalohitaji kutetea ubingwa wa kombe la dunia.

UHOLANZI WACHAFUA HALI YA HEWA BRAZIL, WAICHABANGA HISPANIA `MKONO KWA MOJA`...ROBBEN, VAN PERSIE MOTO MKALI!

Mharibifu: Robin van Persie akimkumbatia  Arjen Robben baada ya kufanya makubwa usiku huu. 

MABINGWA watetezi wa kombe la dunia, Hispania, wamechapwa kipigo cha mbwa mwizi cha mabao 5-1 usiku huu kwenye mchezo wao wa ufunguzi wa kombe la dunia nchini Brazil dhidi ya makamu bingwa wa michuano hiyo, timu ya taifa ya Uholanzi.

Mechi hii ilijirudia kama ile ya fainali ya mwaka 2010 nchini Afrika kusini ambapo Hispania walishinda bao 1-0, lakini  Uholanzi wamelipa kisasi kwa kutoa `mvua ya kutosha`.

Miaka mitano iliyopita, Hispania walipoteza mchezo wao wa ufunguzi dhidi ya Switzerland, lakini kipigo kile huwezi kukifananisha na cha usiku huu.

Kocha wa Hispania Vicente del Bosque atajiuliza kwanini timu ilipotea katika mazingira ya kushinda wakati waliongoza kwa muda mrefu.

Nini kitawaamusha Hispania ambao walipoteana, wakashindwa kujiamini , yaani wakakosa nidhamu ya mchezo baada ya kuwa nyuma kwa mabao 2-1. 

Kipindi cha pili, mabingwa hao watetezi walikubali kila kitu na kuwaacha Uholanzi wakicheza mpria na kufunga magoli mengi, hivyo kuanza kufirika kama wanaweza kuwa mabingwa ingawa ndio kwanza ngoma mbichi.

Ndosi hiyo!: Robin van Persie akifunga goli kwa kupiga kichwa matata na kuisawazishia Uholanzi.

Kosa kubwa la mlinda mlango: Van Persie akimpoka Iker Casillas mpira na kufunga bao la nne.

Haamini: Casillas akitafakari baada ya kufungisha bao la nne, huku wachezaji wa Uholanzi wakishingilia bao hilo la  Van Persie

Vikosi na viwango vya wachezaji katika mchezo wa leo kwa mujibu wa Joe Callaghan ambaye yupo mjini Sao Paulo. Alama zilizotumika ni 10.

Kikosi cha Hispania: Casillas 5, Azpilicueta 6.5, Sergio Ramos 5.5, Pique 5.5, Jordi Alba 7, Alonso 7.5 (Pedro 63), Xavi 7, Busquets 6, Silva 7.5, Diego Costa 7 (Torres 62), Iniesta 7.
Wachezaji wa Akiba: De Gea, Albiol, Javi Martinez, Juanfran, Villa, Fabregas, Mata, Koke, Cazorla, Reina.
Kikosi cha Uholanzi: Cillessen 7, Janmaat 6, Vlaar 7.5, De Vrij 7, Martins Indi 6.5, Blind 7, de Guzman 6, Sneijder 6, De Jong 6.5, Van Persie 8, Robben 8.
Wachezaji wa akiba: Vorm, Verhaegh, Veltman, Kongolo, Kuyt, Clasie, Lens, Fer, Huntelaar, Wijnaldum, Depay, Krul.
Mwamuzi: Nicola Rizzoli (Italia)
Mchezaji bora wa mechi: Robin van Persie na Arjen Robben
Mabao yote ya Uholanzi yalikuwa ya ajabu. Yote yalitengenezwa  kwa pasi murua kutoka wingi ya kushoto kutokea kwa Daley Blind na pasi zilimaliziwa kwa ufundi tofauti na wachezaji  Robin van Persie na Arjen Robben.

Magoli manne yalitokana na makosa ya mlinda mlango Iker Casillas. Kuelekea mechi ijayo itakayochezwa wiki ijayo ambayo Hispania wanahitaji ushindi- kuna hoja kuwa kipa wa Manchester United, David de Gea anaweza kumbadili mlinda mlango huyo mkubwa wa Hispania.

Bao la tano: Robben (kushoto) akiifungia Uholanzi bao la tano.

Stefan de Vrij (kushoto) akiifungia Uholanzi bao la tatu.

Hapa anageuzwa: Arjen Robben akimpiga chenga  Gerard Pique

Sergio Ramos alishindwa kumzuia Robben, aliyepiga mpira na mguu wake wa kushoto na kuandika bao.

 Iker Casillas (kulia) alipelekwa sokoni

Louis van Gaal akimpa tano Van Persie baada ya kufunga bao kusawazisha.

Fungeni midomo: Diego Costa akiwanyooshea kidole mashabiki wa Salvador ambao walimzomea dakika zote alipokuwa uwanjani.

Costa aliangushwa na Stefan de Vrij na mwamuzi kuamuru mkwaju wa penati

Xabi Alonso alifunga penati hiyo