TONI KROOS AWAPOTEZEA MAN UNITED MCHANA KWEUPEEE!, PAUNDI MILIONI 20 SIO `ISHU` KWAKE

Tabasamu bab kubwa: Toni Kroos, akiwa katika mazoezi ya timu ya taifa ya Ujerumani jana na anaamini ataendelea kuwepo katika klabu yake ya Bayern Munich msimu ujao.
 

Imechapishwa mei 23, 2014, saa 7:48 mchana.

KIUNGO wa Bayern Munich Toni Kroos hana nia ya kuwa mchezaji wa Manchester United msimu ujao.

Kwa muda mrefu nyota huyo amekuwa akiwindwa na wakali hao wa Old Trafford hususani wakati huu ambapo suala lake la mkataba mwingine halijatatuliwa na Bayern.

Kroos, 24, amebakiwa na mwaka mmoja katika mkataba wake na yuko tayari kukubali ofa ya kuongezewa mkataba mwingine na sio kuondoka klabuni hapo.

Kagoma kuondoka: Kroos anayewindwa na Manchester United  ataichezea Ujerumani katika fainali za kombe la dunia mwaka huu nchini Brazil.

 

Kroos aliyeng`arishwa na kocha mpya wa Manchester United, Louis van Gaal wakati huo akiwa Bayern inasemekana kuwa ana nia ya kufanya kazi na kocha wake huyo wa zamani, lakini amekuwa akikanusha kuwa miamba hiyo ya Uingereza haipo katika rada zake.

Akizungumza na  Bild alisema: 'Natarajia kuichezea Bayern Munich msimu ujao. 

"Kuna tetesi nyingi sana, lakini Manchester sio na haitakuwa ishu".

"Kwa muda huu mawazo yote yapo katika maandalizi ya kombe la dunia 2014". 

Man United wakati huo wakiwa chini ya David Moyes  walikubaliana na Bayern kulipa ada ya uhamisho ya paundi milioni 20 ili kuinasa saini ya Kroos.

Wakati huo huo, rais wa Bayern, Karl Hopfner, anadai Kroos atapewa ofa nzuri ya mkataba mpya kutoka klabu ya Bayern Munich.

Man United wamekubali kulia paundi milioni 20 ili kumnasa kiungo wa Bayern Munich Toni Kroos